ខ្មែរឥស្លាមមួយក្រុម (ប្រុស-ស្រី) ត្រូវបានចាប់ខ្លួនពីបទជួញដូរគ្រឿងញៀនខុសច្បាប់

អនិច្ចា ខ្មែរឥស្លាមមួយក្រុម (ប្រុស-ស្រី) ត្រូវបានចាប់ខ្លួនពីបទជួញដូរគ្រឿងញៀនខុសច្បាប់

---------------------------
ក្រចេះ ៖ ករណីជួញដូរដោយខុសច្បាប់នូវសារធាតុញៀនដោយខ្មែរឥស្លាមមួយក្រុមត្រូវបានបូលីសនៃការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តក្រចេះចុះឃាត់ខ្លួនកាលពីថ្ងៃទី១៩ ខែកញ្ញា ឆ្នាំ២០១៧ វេលាម៉ោង១៥,៤០នាទី នៅផ្ទះជនសង្ស័យឈ្មោះ សារី ណាសៀត និងផ្ទះជនសង្ស័យឈ្មោះ មីន រ៉ានី ស្ថិតក្នុងភូមិឈើទាលភ្លោះ ឃុំព្រែកសាម៉ាន ស្រុកឆ្លូង ខេត្តក្រចេះ។

ជនសង្ស័យដែលបានឃាត់ខ្លួនមានចំនួន ០៦នាក់ ស្រី ០៣នាក់ រួមមានឈ្មោះ ៖
១- ឈ្មោះ សូទី អារ៉ាហ្វ៊ីន ភេទប្រុស ជនជាតិខ្មែរ.ឥស្លាម អាយុ ១៨ឆ្នាំ មុខរបរ នេសាទ
២-ឈ្មោះ សារី ណាសៀត ភេទប្រុស ជនជាតិខ្មែរ.ឥស្លាម អាយុ ៣០ឆ្នាំ មុខរបរ នេសាទ
៣-ឈ្មោះ មីន ពូក្រី ភេទប្រុស ជនជាតិខ្មែរ.ឥស្លាម អាយុ ២៨ឆ្នាំ មុខរបរ នេសាទ
៤-ឈ្មោះ មីន រ៉ានី ភេទស្រី ជនជាតិខ្មែរ.ឥស្លាម អាយុ ២៤ឆ្នាំ មុខរបរ កសិករ
៥-ឈ្មោះ ហាំ ករីអះ ភេទស្រី ជនជាតិខ្មែរ.ឥស្លាម អាយុ ២៩ឆ្នាំ មុខរបរ លក់ពងមាន់អាំង
ជនសង្ស័យទាំង៥មានទីលំនៅក្នុងភូមិឈើទាលភ្លោះលើ ឃុំព្រែកសាម៉ាន់ ស្រុកឆ្លូង ខេត្តក្រចេះ
៦-ឈ្មោះ ហាំ ឡ ភេទស្រី ជនជាតិខ្មែរ.ឥស្លាម អាយុ ២៤ឆ្នាំ មុខរបរ មេផ្ទះ ទីលំនៅបច្ចប្បន្ន ភូមិអូរព្រះ ឃុំអូរគ្រៀង ស្រុកសំបូរ ខេត្តក្រចេះ។

វត្ថុតាងចាប់យក ៖ គ្រឿងញៀនប្រភេទមេតំហ្វេតាមីន (Ice) សរុបរួម ចំនួន ៣៣កញ្ចប់ ( ០៣កញ្ចប់ធំ, ០១កញ្ចប់មធ្យម និង ២៩កញ្ចប់តូច) មានទម្ងន់ 12,54g, ម៉ូតូ ចំនួន ០២ គ្រឿង ( ម៉ាក CPX ផលិតនៅប្រទេសចិន ពណ៌ខ្មៅ គ្មានស្លាកលេខ លេខតួ 0009610 លេខម៉ាស៊ីន QA002246 និង ម៉ាក HONDA WAVE ពណ៌ខ្មៅ គុណភាពចាស់ គ្មានស្លាកលេខ គ្មានអាវ លេខតួ 125003 លេខ ម៉ាស៊ីន 4160238), ទូរស័ព្ទដៃ ចំនួន ០៣គ្រឿង (ម៉ាក SAMSUNG ចំនួន ២គ្រឿង និងម៉ាក TRUE ចំនួន ១គ្រឿង), កាំភ្លើងស្នប់កែច្នៃ ចំនួន ០១ដើម, ដាវសាំម៉ូរ៉ៃ ចំនួន ០១ដើម, កាំបិតស្នៀត ចំនួន ០២, ដុំឆក់ ចំនួន ០១, ថង់សម្រាប់ច្រករំលែកចែកចាយ និងសម្ភារៈសម្រាប់ប្រើប្រាស់គ្រឿងញៀនមួយចំនួន ។

ជនសង្ស័យ និងវត្ថុតាង បញ្ជូនទៅសាលាដំបូងខេត្ត
ក្រចេះ នៅរសៀលថ្ងៃទី២៦ ខែកញ្ញា ឆ្នាំ២០១៧ ។

ប្រភព៖ ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តក្រចេះ